اسباب عدم استجابة الميكوبلازما للمضادات الحيوية

المعلومه الاولي (منقول )

من فتره صاحب مزرعه بيتكلم بيقول انه لقي النافق في الدورة بتاعته
كتيروهو شك في الميكوبلازما واخد عينه للمعمل
والمعمل كتبله مضادات حيوية ذي السيبروفلوكساسين

انا سمعت الموضوع ده وبساله هو المعمل أخد منك كام بيقولي ده صاحبي مش بياخد فلوس

قلتله طب ادالك النتيجه بعد كام يوم.. ؟؟؟؟؟؟؟؟
قالي بعدها بيوم ونص علي طول


قلتله غلط غلط غلط .............. قالي ليه؟؟
قلتله لأن الميكوبلازما بيحتاج من 10 الي 15 يوم عشان يحصل اختبارالحساسيه للميكوبلازما

لكن نتيجة تحليل بعد يوم ونص ده طلعت النتيجه اي ميكروبات اخري موجوده ذي الاي كولاي والسالمونيلا اللي هم فعلا احسن حاجه ليهم السيبروفلوكساسين
______________________


لكن ياجماعه خلوا بالكم ان اختبار الحساسيه في الميكوبلازما بيحتاج علي الاقل 10 ايام عشان يتم اختبار الحساسيه


والسؤال اللي بيطرح نفسه هنا ياجماعه ؟؟ ايه هي خطورة الميكوبلازما ؟؟

اقولك ان خطورة الميكوبلازما انها خطر القرن الواحد والعشرين في امراض الدواجن وانها اخطر من انفلونزا الطيور واي امراض اخري


السؤال التاني :: هي مش الميكوبلازما دي بكتريا ..
طب ليه مش بتستجيب للعلاج بالمضادات الحيوية ذي باقي الميكروبات؟

اقولك ياسيدي انهم في الكليه قالولنا ان الميكوبلازما تختلف عن باقي البكتريا انها صغيره جداااااا في الحجم

وانها مش عندها جدار خلوي وبالتالي مفيش مضاد حيوي بيأثر عليها بنسبة 100 % ...وايضا عشان تعالجها لازم تستعمل كذا مضاد حيوي مع بعض مش مضاد حيوي واحد

وللاسف هناك عدم تفهم لعمل المضادات الحيوية وده بيخليك مش بتعرف تعالج صح والقطيع بتاعك يروح في داهيه من الميكوبلازما


ايضا من اسباب عدم استجابة الميكوبلازما للمضادات الحيوية هو انها بتعمل التهاب في الحنجره والقصبة الهوائيه وباقي اعضاء الجهاز التنفسي .. والالتهاب ده عباره عن تضخم في الخلايا بطريقه شديده جدا
وبالتالي يمنع وصول المضادات الحيوية الي هذه الخلايا


وايضا المواد الفبرينيه اللي بتتكون في القصبه الهوائيه والشعب الهوائيه

المواد الفبرينيه دي بتمنع دخول وخروج الهواء .. يعني بيحصل اختناق والطيور بتموت من الاختنااااااااااااااااااااق



انتهت المعلومه السابقه